Topaz Premyer Liqasının VIII turunun oyunlarına hakim təyinatları açıqlanıb

idman

66055

Topaz Premyer Liqasının VIII turunun oyunlarına hakim təyinatları açıqlanıb
Topaz Premyer Liqasında VIII turunun oyunlarına hakim təyinatları açıqlanıb.

Peşəkar Futbol Liqasından AZƏRTAC-a bildiriblər ki, oktyabrın 20-də Qəbələ şəhər stadionunda “Qəbələ”–“Neftçi” qarşılaşmasını hakim Rəhim Həsənov idarə edəcək.

Həmin gün “Azərsun Arena”da keçiriləcək “Qarabağ”–“Səbail” görüşünün əsas hakimi Rəvan Həmzəzadə olacaq.

Oktyabrın 21-də “Dalğa Arena”da oynanılacaq “Sumqayıt”–“Sabah” matçına əsas referi İnqilab Məmmədov təyin olunub.

Turun sonuncu görüşündə - “Bakcell Arena”da keçiriləcək “Keşlə”- “Zirə” oyununda baş hakim funksiyasını Əliyar Ağayev yerinə yetirəcək.

Qeyd edək ki, “Qəbələ”–“Neftçi” oyunu saat 17:00-da, “Qarabağ”–“Səbail” görüşü saat 19:00-da, “Sumqayıt”–“Sabah” qarşılaşması 17:00-da, “Keşlə”- “Zirə” matçı isə saat 19:00-da başlayacaq.

Turun bütün görüşləri “CBC Sport” kanalı vasitəsilə canlı yayımlanacaq.