Samuxda qanunsuz və anti-sanitar şəraitdə fəaliyyət göstərən toyuq sexi aşkarlanıb

cemiyyet

70119

Samuxda qanunsuz və anti-sanitar şəraitdə fəaliyyət göstərən toyuq sexi aşkarlanıb
Samux rayonunda anti-sanitar şəraitdə fəaliyyət göstərən toyuq sexi aşkarlanıb.
Xeberlertv.info-nun məlumatına görə, Qida Təhlükəsizliyi Agentliyinin (AQTA) əməkdaşları rayonunun Nəbiağalı qəsəbəsində fəaliyyət göstərən quş emalı sexinə baxış keçiriblər.

Baxış zamanı sexin qeyd olunan ünvanda heç bir dövlət qeydiyyatı olmadan gecə saatlarında qanunsuz fəaliyyət göstərdiyi və baytarlıq-sanitariya və sanitariya-gigiyena normalarına cavab vermədiyi müəyyən edilib.

Belə ki, qanunsuz emal sahəsində heç bir texniki-normativ tələblərə əməl edilmədən kustar üsulla toyuqların kəsildiyi, daha sonra anti-sanitar şəraitdə tükdən təmizləndiyi və uzun müddət su il doldurulmuş natəmiz vannalarda saxlanıldığı aşkarlanıb. Həmçinin baxış zamanı sexdə kəsilən toyuqların qanının sanitar-gigiyenik normalara zidd olaraq kanalizasiya xəttinə axıdıldığı məlum olub.

Eyni zamanda müəssisədə toyuqların saxlanılması üçün hər hansı bir soyuducu kameranın (anbar) olmadığı, toyuqların polietilen torbalara yığılaraq döşəmədə saxlanıldığı və daha sonra normativlərə cavab vermədən daşındığı məlum olub.

Faktla bağlı ekspertizanın aparılması üçün nümunələr götürülərək Qida Təhlükəsizliyi İnstitutunun müvafiq laboratoriyasına təqdim olunub.

Emal sahəsində araşdırmalar davam edir.
Samuxda qanunsuz və anti-sanitar şəraitdə fəaliyyət göstərən toyuq sexi aşkarlanıb
Samuxda qanunsuz və anti-sanitar şəraitdə fəaliyyət göstərən toyuq sexi aşkarlanıb
Samuxda qanunsuz və anti-sanitar şəraitdə fəaliyyət göstərən toyuq sexi aşkarlanıb
Samuxda qanunsuz və anti-sanitar şəraitdə fəaliyyət göstərən toyuq sexi aşkarlanıb
Samuxda qanunsuz və anti-sanitar şəraitdə fəaliyyət göstərən toyuq sexi aşkarlanıb